تعرفو الناس الي تحت القعاده الي بتسحبكم لتحت للابد.. كلنا اجت مرحله من حياتنا نخاف من دي الفكره بعضهم للان يخافو منه.. اني اسمي منى يدلعوني منوشه
قبل ١٥ سنه نقلنا بيت جديد بحكم شغل ابي واصل نتنقل اني تعبتو من التنقل كل م اتعود ع مكان وابدا احبه فجاه ننقل مكان تاني وع دا الحال ب تقولو انه عادي بس دا عادي للي هم كبار لكن الصغار دا صعب من فين بلاقي جهال جدد اللعب معاهم ..فين بلاقي دكان قريب من البيت دا كله الي يدور براسي.. بس المكان الجديد طلع مليح جدا صح مافيش دكان قريب بس لقيتو جهاله تلعب معي بالليل ايوه بالليل مدري ليش امه م تصيح فوقه لما تخرج بالليل وتجي لي لغرفتي ماعلينا حاولت انه م اركز عشان م اخسره وتبطل تجي لي ..
بقلكم حاجه تدرو شي للان مش عارفه من فين كانت تدخل للغرفه رغم انه باب البيت مقفل
اكون ممدده فجاه اشوفه ي واقفه بالركن ولا جالسه فوق الكبت ولا داخلته احياناً وساعات تحت القعاده بس هيه م تحبش تحت القعاده نعم هناك امه ب تزعجه.
المهم نجلس نلعب غميضان ونلون الكتب ونلعب جري نلعب حاجات كتير دا كله داخل غرفتي بس الغريب انه لما كنا نلون اصحي الصباح اتفرج اشوف الي لونته هله برسمتي يعني اني اللون وهيه تلون فوق تلويني اني بكلمه اليوم بقله ليش تعمل كدا تبهدل برسمتي!
في يوم جابت معه حجار صغار اشكالهم مليحه يجننو ملونين قالت ب نلعب دي اللعبه اني ب اجدل الحجره وانتي اللحقيها جيبيها اللعبه شكله حلوه
١ ٢ ٣ اول جدله لفوق الكبت اوووه كيف اني بطلع الان ليش م جدلتيها قريب
اطلعي جيبيها دا كان كلامه
ب اجيب كرسي ومخد ب ارصهم لحظه بطلع ... فين الحجره اني فوق الكبت اندكه
بس كيف بنزل ساعديني قصوره قصوره ساعديني عشان انزل فين رايحه .. لا تجدليش الحجره لتحت القعاده لا لا دا حنق اني بجدله ..فين رايحه تعالي هنا
منوشه منوشه ماما هلني فوق تعالي نزليني .. اوووو اش طلعك ب تتعوري وكيف طلعتي اصبري بجي لك .. ياماه اني خايفه م عرفتش انزل وم نمتوش امس خايفه اسقط .. اش طلعك.. دي قصوره جدلت حجره لفوق الكبت طلعت اجيبه كدا اللعبه حقنا.. منو دي قصوره.. دي صاحبتي الجديده .. متى اجت لك واني قفلتو الباب حق الشارع.. ياماه هيه م تجي من باب الشارع بصراحه مدري من فين تدخل شكله معه مفتاح ..ها ايوه اني عطيت له( قالت كدا عشان م تخوفني)
ئنم ئنم كدا هيه تصيح لي ..اني م بلعبش معك اني زعلانه منك امس خليتيني بنفسي فوق الكبت.. اللحقي الحجره.. كدا قالت لي قصوره.. بس دا دوري .. اللحقيها ..طيب لا تجدليها بعيد.. تحت القعاده سهل خليك مكانك الان ب اجيبه.. يماه اااااه ماله راسك تحت .. انتي واقفه المفروض اشوف رجولك من تحت القعاده مش راسك.. عادي ي ئنم .. مالني مش قادره اخرج منو دي الحرمه ..دي امك صح.. اجلسو اللعبو هنا.. طيب ي خاله قصوره تعالي ب نلعب هنا بس المكان غدره وكبير سبحان الله ...
منوشه منووشه.. اه شكلي نمتو تحت القعاده ماما اني هنا.. اش دخلك تحت القعاده يماه قده قلت لك دي لعبه.. (لانه خيالي واسع م صدقتني) طيب
اليوم التاني نفس الشي جدلتهم لتحت القعاده وشفتو راسه وامه صيحت له ودخلت ولعبنا تصدقو للان واني اقص مش عارفه كيف شكل امه ولا عارفه اش في تحت القعاده كنت ارقد وتجي امي الصباح تقيمني عشان تخرجني..
وع دا الحال
لما اخر مره لعبنا جدلت الحجره من الطاقه
بس نحنا شقتنا في الدور ال١٣ كيف بجيبه لك م بقدرش .. اللحقيهم.. اللحقيهم.. اللحقيهم.. اللحقيهم.. خلاص ازعجتيني اللحق من ..اللحقيهم.. اللحقيهم .. اسكتي ب افتح الباب ب انزل اجيب الحجره
امي قفلت الباب امنته اووه م بقدرش اخرج .. يماه تعالي افتحي لي الباب بسرعه.. منوشه روحي ارقدي .. يماه افتحيه اني فدالك بسرعه.. منى اسمعي الكلام الوقت متاخر وابوك مهلوش م بفتحه ونحنا لحالنا وبعماره خلاص بكره انزلي..
كل الي حصل في حاجه خلتني اقفز من الطاقه بعدين رجعت تحت القعاده مع قصوره وامه
بس امي م اجتش تقيمني عشان تخرجني من تحت القعاده المكان غدره اني خايفه
